Nota: Este documento está en formato pdf. Para podelo visualizar precisas o lector Acrobat instalado no teu ordenador

Baixo o acaído lema “FARTAS!”, a CIG realizou este venres xornada de loita nacional -con concentracións en todo o País- con motivo do 8 de Marzo; unha data na que a Secretaría da Muller da CIG denuncia que "non hai nada que celebrar" e a través da quere resaltar a loita diaria que todas as mulleres levan a cabo na defensa dos seus dereitos, fronte ás “celebracións e conmemoracións hipócritas por parte das mesmas administracións e poderes que recortan os nosos dereitos”. No interior da nova podes acceder ao CIG-Informa editado pola CIG-Ensino con motivo do 8 de marzo.

No interior da nova podes acceder á publicación que a CIG-Ensino editou con motivo do 8 de marzo co lema Fartas! As mulleres estamos fartas da privatización dos servizos públicos e o desvío de fondos á privada ou de que nas aulas da Galiza non se fale galego. E despois de tantos anos temos que seguir firmes na defensa da nosa lingua e dos servizos públicos.
Nota: Este documento está en formato pdf. Para podelo visualizar precisas o lector Acrobat instalado no teu ordenador

A Secretaría da Muller da CIG vén de presentar, en rolda de prensa, a campaña do 8 de marzo, Día da Muller Traballadora, que se desenvolve este ano baixo o lema de “FARTAS!”. Margarida Corral, secretaria confederal de Muller e Mocidade anunciou as diversas mobilizacións que con este motivo convoca, ou nas que participa, a central sindical e denunciou as “celebracións e conmemoracións hipócritas por parte das mesmas administracións e poderes que recortan os nosos dereitos”. Ademais presentouse o informe “A situación da Muller no Mercado Laboral en Galiza no ano 2012”, elaborado polo Departamento de Economía, no que se constata que, alén do paro, as condicións laborais da muller en Galiza son cada vez peores. No interior da nova podes consultar as concentracións convocadas.

Os contos tradicionais están cheos de monstros que asustan as mulleres e as crianzas que neles aparecen. Mais a realidade amosa día a día que eses seres violentos se agochan na vida real baixo unha faciana que nos é ben coñecida: a do patrón explotador, a do xefe acosador, a do agresor, a do calumniador, o chantaxista, a daqueles que nos castigan por sermos nais traballadoras, a dos que pretenden illar as mulleres, decidir por nós no control dos nosos corpos, lexislar para criminalizarnos, xogando coa nosa saúde e benestar, a de todos eses personaxes que, amparándose no machismo, perpetúan a violencia contra as mulleres, tamén no ensino. No interior da nova podes atopar materiais para traballar na aula.

Desde o punto de vista educativo, o 8 de marzo debe ser tamén unha data para reflexionarmos sobre a coeducación, sobre as estratexias para coeducar nas aulas, sobre os avances ou non na visibilización das mulleres, das nenas, na sociedade actual e o papel do ensino nese proceso.

Nota: Este documento está en formato pdf. Para podelo visualizar precisas o lector Acrobat instalado no teu ordenador

Como vén denunciando a CIG en todo este tempo, a crise económica está a agravar aínda máis a desigualdade que existe entre mulleres e hoxe. As solucións que os distintos gobernos están a pór en marcha, reducindo salarios, facilitando o despedimento nas empresa e recortando prestacións sociais e laborais, afectan de xeito singular ás mulleres, contribuíndo así ao aumento da violencia de xénero. Porque aínda que a violencia contra as mulleres non está relacionada cunha clase social concreta, non é exclusiva de situacións de pobreza e de falta de recursos económicos, non é menos certo que en momentos de crise medra a tensión social e se agudiza a xerarquización de poder duns poucos sobre a maioría. Nesta entrada tamén tes enlaces onde poderás atopar máis información e recursos para traballar na aula.

O día 8 de marzo conmemórase o Día Internacional da Muller. Con este motivo, a CIG-Ensino vén de elaborar un proposta didáctica para a aula, coa intención que sexa de utilidade e ofreza novas ferramentas de traballo.
Nota: Este documento está en formato pdf. Para podelo visualizar precisas o lector Acrobat instalado no teu ordenador

O Día 25 de novembro foi declarado “Día Internacional da Eliminación da Violencia contra a Muller” pola Asemblea Xeral das Nacións Unidas no ano 1999. Podes ver nesta ligazón un CIG Informa ao respecto deste día.
Nota: Este documento está en formato pdf. Para podelo visualizar precisas o lector Acrobat instalado no teu ordenador

Compostela, 4 de marzo de 2010.- A CIG-Ensino presentou en rolda de prensa “...e libre o meu pensamento. ferramentas para a docencia”. Unha publicación que pretende servir como apoio para traballar nas aulas sobre a discriminación da muller e favorecer unha educación en igualdade. As autoras, Carme Fouces, Celia Mª Armas García, María Pilar García Negro, Marta Dacosta e Xulia Rodríguez Bravo son todas profesoras de distintos niveis de ensino agás Laura Estévez, quen, como presidenta do Comité de Empresa do Consorcio, aporta unha visión sobre a necesidade dos servizos sociais para favorecer a conciliación.

O día 25, con motivo do día internacional contra a violencia de xénero, celebramos diante da Consellaría de Educación, en San Caetano, unha concentración conxunta con outras organizacións sindicais do ensino co obxectivo de denunciar a actitude da administración educativa que acordou subvencionar aos centros do OPUS DEI que segregan ao alumnado por razóns de sexo, a pesares de que o anterior goberno tivera informado negativamente ditos concertos debido a que incumprían a lexislación educativa vixente.

A CIG-Ensino presentou recurso contencioso-administrativo contra a Consellaría por infrinxir a lei ao financiar o ensino que segrega o alumnado por razóns de sexo. A CIG-Ensino denuncia a ilegalidade que vén de perpetrar a Consellaría de Educación ao aprobar a concesión de concertos educativos a centros que segregan o alumnado por razón de sexo e conseguintemente presentou un recurso contencioso-administrativo perante o Tribunal de Xustiza de Galiza e contra esta resolución. Os centros agraciados que se lles subvención totalmente o ensino son centros ligados ao OPUS en concerto: Las Acacias, o Monte Castelao e Aloya. en Vigo e Montespiño, e Peñarredonda na Coruña.

A CIG-Ensino denuncia a ilegalidade que vén de perpetrar a Consellaría de Educación ao aprobar a concesión de concertos educativos a centros que segregan o alumnado por razón de sexo e conseguintemente anuncia a presentación dun recurso contencioso-administrativo perante o Tribunal de Xustiza de Galiza e contra esta resolución.Os centros agraciados que se lles subvenciona totalmente o ensino son centros ligados ao OPUS, en concreto: Las Acacias, o Monte Castelao e Aloya en Vigo e, Montespiño e Peñarredonda na Coruña

Diante do pronunciamento recente de certos grupos de presión ligados ao OPUS, agardando que a Consellaría de Educación recúe na súa intención de financiar con cartos públicos centros privados nos que se segrega o alumnado por razón de sexo, e fronte as respostas esquivas que sobre este asunto dá o novo Conselleiro, a CIG-Ensino quere reiterar a súa esixencia de que se lle retiren este tipo de axudas a ditos Centros

A CIG-ENSINO presentou, hoxe, en rolda de prensa, as conclusións dun estudo sobre a participación das mulleres na dirección dos centros educativos galegos e a necesidade da elaboración dun plano de igualdade no ensino

O día 10 de decembro, a CIG-Ensino e o Movemento polos Dereitos Civís quixeron conmemorar o día dos Dereitos Humanos presentando unha Unidade Didáctica sobre os dereitos das persoas. Este material educativo será enviado a todos os centros de ensino secundario de Galiza. Neste acto estiveron presentes o secretario Nacional da CIG-Ensino, Anxo Louzao, o voceiro do MpDC, Renato Núñez, e o autor da Unidade Didáctica, Xoán Carlos Garrido.

Desde a CIG-ENSINO agardamos que a data do 25 de novembro non pase desapercibida nos centros educativos, pois é sumamente importante a prevención e a educación no intento da eliminación da violencia de xénero. A violencia contra as mulleres non é un asunto privado, senón un problema social e público, consecuencia dunha desigualdade histórica nas relacións de poder en todos os ámbitos. Por iso é necesario que, como docentes e educadores, non deixemos pasar estas datas sen evidenciar que esta violencia é algo frecuente dentro das familias, no traballo, na escola, na sociedade en xeral, e que é necesaria a súa eliminación.