Nota: Este documento está en formato pdf. Para podelo visualizar precisas o lector Acrobat instalado no teu ordenador

A Confederación Intersindical Galega e a maioría sindical vasca (ELA, LAB, STEE-EILAS, EHNE e HIRU) van desenvolver unha manifestación o vindeiro 5 de abril en Madrid en contra das reformas do goberno (concretamente a reforma das pensións e da negociación colectiva) e na defensa do dereito a decidir nos propios territorios as condicións laborais e sociais. Na marcha agárdase que participen arredor de 3.500 delegados e delegadas de todas as organizacións sindicais, dos/as que uns 1.200 serán representantes sindicais da CIG.

As solicitudes deberán presentarse ata o día 28 de febreiro do 2011, segundo o modelo que se publica como anexo I da seguinte orde.
Nota: Este documento está en formato pdf. Para podelo visualizar precisas o lector Acrobat instalado no teu ordenador

Delegados da CIG-Ensino concentráronse hoxe, xunto con delegados das outras organizacións sindicais, en Madrid, diante do Ministerio de Educación, logo de entregar máis de 300.000 sinaturas, esixindo a continuidade do dereito a poderse xubilar voluntariamente de xeito anticipado aos 60 anos. Posteriormente o Secretario Nacional da CIG-Ensino, Anxo Louzao, conxuntamente cos representantes doutras organizacións sindicais foron recibidos polo Director Xeral de FP, Miguel Soler Gracia. Desde a CIG-Ensino trasladámoslle o sentir do profesorado galego que se concreta na esixencia de consolidar definitivamente o dereito de podérmonos xubilar anticipadamente, do que vimos gozando desde o ano 1992. A CIG-Ensino valora insatisfactoriamente o resultado da reunión, dado que o representante do ministerio só se comprometeu a facer “algunha referencia” a esta demanda no Pacto pola Educación, que se presentará mañá 22 de abril, pero sen concretar como se ía recoller. Con todo, as negociacións a este respecto seguen abertas.

Estamos agora a intensificar a campaña porque, como saberás, remata o período transitorio da vixencia deste dereito que xa no seu momento conseguiu prorrogar a CIG-Ensino a través dunha emenda presentada polo grupo do BNG no Congreso. En maio de 2011 expira esta prórroga e, nunha das cláusulas, na disposición transitoria segunda, apartado 8, establece que o "o goberno, previa consulta ás Comunidades Autónomas, procederá a revisión do tempo referido ao réxime de xubilación voluntaria así como dos requisitos esixidos", polo cal o MEC debe iniciar xa negociacións coas Comunidades Autónomas e organizacións sindicais, cousa que aínda non encetaron a pesar de que na xuntanza mantida pola CIG-Ensino co Ministro, este manifestoulle a súa vontade de levalas a cabo.

Dentro das accións que a CIG-Ensino está a levar a cabo a prol de lograr a consolidación da actual xubilación anticipada do profesorado, mantivo hoxe unha xuntanza co BNG para trasladarlle esta reivindicación do profesorado. A CIG-Ensino e o BNG presentaron hoxe publicamente en rolda de prensa unha iniciativa de lei e outra iniciativa non de lei que o grupo do BNG no Congreso dos Deputados vai levar a cabo co fin de lograr o carácter indefinido desta xubilación que aparece nestes momentos vinculada ao desenvolvemento da LOE, e, polo tanto, con remate no mes de maio de 2011.

Na concentración que se realizou hoxe, 3 de marzo, diante da Consellaría de Educación, á que asistiron delegados e delegadas da CIG do ensino público, Anxo Louzao, secretario nacional de CIG-Ensino, fixo un balance das accións e campañas que a CIG levou a cabo co obxecto de conseguir o dereito indefinido á xubilación anticipada do profesorado.

A CIG-Ensino vén batallando para conseguir o dereito indefinido a poder acceder voluntariamente á xubilación anticipada. Neste sentido levamos a cabo diferentes campañas apoiadas por miles de sinaturas nas que o profesorado exixe este dereito, ao mesmo tempo que reclama mellorar as gratificacións. Unha vez que o remate do período de implantación da LOE remata en 2011, para a CIG-Ensino será unha prioridade conseguir durante este curso o dereito indefinido a poderse acoller á xubilación anticipada, así como mellorar a gratifi cación no camiño de que a suma da cantidade percibida pola gratifi cación e maila de pensión teña que ser semellante ao salario que se percibiría de estar en activo. Isto é fundamental para que se incremente o número de profesorado que se xubile anticipadamente, repercutindo positivamente na creación de emprego coa incorporación de novo profesorado ao sistema educativo.

No ano 1996 o Banco de España, a Cúpula dos Empresarios, a Unión Europea e todos os analistas pagados polo sistema, pronosticaron a quebra da caixa das pensións no ano 2012. Dende aquela data levan insistindo nunha campaña de derribo das Pensións Públicas coa única finalidade de trasladar este sistema ao control dos Bancos e as Aseguradoras para convertelo en negocio do Capital financeiro. Vexamos porque minten.
Nota: Este documento está en formato pdf. Para podelo visualizar precisas o lector Acrobat instalado no teu ordenador

Pensións 2010
Nota: Este documento está en formato pdf. Para podelo visualizar precisas o lector Acrobat instalado no teu ordenador

Retribucións e Xubilación 2009
Nota: Este documento está en formato pdf. Para podelo visualizar precisas o lector Acrobat instalado no teu ordenador

Un ano máis as cantidades destinadas pola Consellaría de Educación á xubilación anticipada continúan sendo totalmente insuficentes. No ano 2000, unha minoría sindical (ANPE e CCOO) asinan un acordo coa Consellaría cunhas gratificacións menores cás que xa estaba percibindo o profesorado doutros territorios do estado.
Nota: Este documento está en formato pdf. Para podelo visualizar precisas o lector Acrobat instalado no teu ordenador

Achegámosche o estudo que fixemos na CIG-Ensino acerca do cobro das pensións previsto para este ano 2007.

Xubilación anticipada. Gratificacións. Pensións 2007. Fondo Especial de Muface. Retribucións.
Nota: Este documento está en formato pdf. Para podelo visualizar precisas o lector Acrobat instalado no teu ordenador