A Plataforma Galega en Defensa do Ensino Público continúa coa convocatoria de peches rotativos en centros educativos. O venres 18 de maio, ás 16:00 horas, comeza o de Verín, no IES Taboada Chivite, e o luns 21 colle o relevo o de Vigo, que se fará no IES San Tome de Freixeiro. Os peches, para esixir da Consellaría de Educación que non aplique en Galiza ningún dos recortes que recolle o RD Lei 14/2012 e que o recorra por invadir as competencias que en materia educativa ten a Xunta de Galiza, están a contar coa participación de pais e nais, estudantes e docentes e xa se fixeron en Santiago, Melide e Ferrol. GALERÍA DE FOTOS NO INTERIOR.

A CIG xa trasladou no mes de abril a necesidade de valorarmos unha nova convocatoria de folga xeral para a primeira quincena de xuño. Esta proposta nacía da necesidade de seguir respondendo á Reforma Laboral e afianzábase despois co ataque brutal aos servizos públicos, nomeadamente a sanidade e a educación.

A Plataforma Galega en Defensa do Ensino Público comeza en Santiago, o luns 14 de maio, ás 16:00 horas, una serie de peches rotativos en centros educativos para manifestar o rexeitamento da comunidade educativa ao RD Lei 14/2012, publicado polo Goberno do Estado, esixir da Consellaría de Educación que non aplique en Galiza ningún dos recortes que contén e que o recorra por invadir as competencias educativas da Xunta de Galiza. Os peches terán continuidade en toda Galiza nas seguintes datas e lugares: Ferrol (15 de Maio),Verín (18 de Maio),Vigo (21 de Maio), A Coruña (22 de Maio), Pontevedra (23 de Maio), Lugo (24 de Maio), Burela (25 de Maio), O Morrazo (29 de Maio), A Guarda (30 de Maio), Carballo (31 de Maio), Ourense (1 de Xuño)

A CIG-Ensino participou o 10 de maio nas manifestacións convocadas polas organizacións estudantís e xuvenís que forman parte da Plataforma Galega en Defensa do Ensino Público e que percorreron as rúas de Santiago, A Coruña, Ferrol, Vigo, Ourense, Pontevedra, Lugo, Vilagarcía, Verín e Burela. Para a CIG-Ensino, estas mobilizacións, ás que se sumaron máis de 10.000 persoas, evidenciaron unha vez máis -nesta ocasión co estudantado como protagonista- o rexeitamento da sociedade a política educativa do PP e os recortes que castigan novamente a educación pública. A Plataforma Galega en Defensa do Ensino Público, da que a CIG-Ensino forma parte, apoiou a convocatoria na que se solicitou a non aplicación do RD Lei 14/2012 e que o Goberno galego presente recurso por invasión de competencias.

A Plataforma Galega en Defensa do Ensino Público, da que a CIG-Ensino forma parte, acordou o pasado 25 de abril, entre as medidas a levar a cabo contra o Real Decreto Lei 14/2012, apoiar a folga e as mobilizacións convocadas polas organizacións estudantís e xuvenís para o xoves 10 de maio. “O ensino é un dereito, non un privilexio” é o lema desta mobilización na que se lle esixirá á Consellaría de Educación que non aplique a suba de taxas proposta polo Goberno central.

A CIG-Ensino valora positivamente a participación nas concentracións da Plataforma Galega en Defensa do Ensino Público convocadas en trece cidades e vilas de toda Galiza. Os actos en contra dos recortes no ensino público terán continuidade coa folga de estudantes e as manifestacións previstas para o próximo xoves día 10, os peches rotativos nos centros que empezan o día 14 e a mobilización que se fará en Santiago o día 3 en defensa dos servizos públicos.

A CIG-Ensino ven de remitirlle un escrito ao Director de Centros e Recursos Humanos no que solicita que a Consellaría adopte as medidas necesarias para evitar que se vulneren os dereitos do profesorado que participou no Concurso de Traslados. A CIG-Ensino advirte que a decisión de reducir as vacantes definitivas, despois do prazo de renuncias e reclamacións, crea unha situación de indefensión e vulnera os dereitos do profesorado que optou por renunciar ou seguir participando no concurso, sen coñecer a modificación de vacantes, e agora non pode renunciar á adxudicación definitiva.

Hoxe, martes 8 de maio, as diferentes comarcas do país acollerán concentracións simultáneas para demandar do Goberno galego o cese dos recortes no ensino público galego. Con estas mobilizacións, a Plataforma Galega en Defensa do Ensino Público Galego, inicia o calendario de accións que teñen como obxectivo evitar a aplicación no noso país do Real Decreto-Lei 14/2012 de medidas urxentes de racionalización do gasto público no ámbito educativo.

Delegadas e delegados da CIG-Ensino, e outras organizacións sindicais do ensino público, celebraron hoxe unha nova concentración, diante da Consellaría de Educación, en Santiago de Compostela, para esixirlle ao Goberno galego que non aplique ningunha das medidas recollidas no RD Lei 14/2012 e que o recorra ante os tribunais. Co ánimo de frear os recortes, a Plataforma Galega ne Defensa do Ensino Público xa convocou concentracións comarcais para o próximo mércores, 8 de maio, pola tarde e iniciará peches rotativos nos centros o 14 de maio, entre outras accións.

Con estas mobilizacións, a Plataforma Galega en Defensa do Ensino Público Galego, inicia o calendario de accións que teñen como obxectivo evitar a aplicación no noso país do Real Decreto-Lei 14/2012 de medidas urxentes de racionalización do gasto público no ámbito educativo. A Plataforma Galega en Defensa do Ensino Público Galego, constituída en autoconvocatoria o pasado 25 de abril, esta integrada por representantes da comunidade educativa galega, pais e nais, profesorado e alumnado, a través de diferentes entidades (organización sindicais do ensino, ANPAS, movementos de renovación pedagóxica, organización estudantís, partidos políticos …).

Unhas 60.000 persoas manifestáronse coa CIG neste Primeiro de Maio, Día Internacional da Clase Traballadora, para amosar na rúa o seu rexeitamento ás políticas laborais e económicas do PP e demandar outras medidas favorábeis aos intereses da clase obreira. A central nacionalista, que convocou as manifestacións baixo o lema “Por emprego digno, non á reforma laboral do PP” e “En defensa do ensino e da sanidade públicos”, reiterou o chamamento a seguir na contestación social e no proceso de acumulación de forzas para avanzar na consecución dun modelo económico e social máis xusto e solidario.

A CIG-Ensino ven de presentar demanda de conflito colectivo diante da Sala Social do Tribunal Superior de Xustiza de Galiza polo incumprimento permanente da Lei 31/1995 de Prevención de Riscos Laborais por parte da Consellaría de Educación. Desde hai 17 anos ao profesorado galego vénselle negando o dereito, recollido no artigo 22, a facer unha revisión médica periódica da saúde, recoñecido a todos os traballadores e traballadoras.

Hoxe, 27 de abril, presentouse en Santiago a Plataforma Galega en Defensa do Ensino Público, constituída o pasado día 25 con representantes da comunidade educativa galega, pais e nais, profesorado e alumnado, a través de diferentes entidades (organización sindicais do ensino, ANPAS, movementos de renovación pedagóxica, organización estudantís, partidos políticos …) co obxectivo de manifestar o rexeitamento da comunidade educativa galega ao Real Decreto-Lei 14/2012, publicado polo goberno do Estado, esixir da Consellaría de Educación que non aplique en Galiza ningún dos recortes contidos no RD Lei e que o recorra por invadir as competencias que en materia educativa ten a Xunta de Galiza.

Nota: Este documento está en formato pdf. Para podelo visualizar precisas o lector Acrobat instalado no teu ordenador

A Consellaría, en contra dos que nos tiña comunicado, anuncia ás organizacións con representación na mesa sectorial (CIGEnsino, CCOO, UGT e ANPE) que vai haber cambios nas vacantes de Secundaria, aínda que din que serán mínimas, resultado da aplicación do RD Lei 14/2012 que comunicou que vai aplicar. Reacciona e participa nas mobilizacións contra estes recortes.

Na reunión da Mesa Sectorial Docente Non Universitaria celebrada hoxe en Santiago a CIG-Ensino esixiulle á Consellería de Educación que exerza as competencias que lle corresponde e en consecuencia que non aplique en Galiza o Real Decreto 14/2012. A CIG-Ensino intentou sacarlle ao conselleiro, Jesús Vázquez, o compromiso de non executar máis recortes e trasladoulle que por dignidade e responsabilidade non lle queda máis remedio que recorrer o Real Decreto por vulnerar as competencias en materia educativa da Xunta de Galiza.

A Xerencia do Consorcio Galego de Igualdade e Benestar ven de retirarlle aos educadores e educadoras, mestres e ao persoal de servizos xerais que desenvolven o seu traballo na rede de Galescolas o dereito a usar o servizo de comedor nos propios centros desde o 1 de maio. Este recorte vense sumar ás xa de por si baixas retribucións deste persoal que cobra un terzo menos que traballadores e traballadoras da Xunta que desempeñan as mesmas funcións.

Na orde do día figura o Real Decreto 14/2012 de medidas urxentes de racionalización do gasto público no ámbito educativo aprobado no Consello de Ministros do venres 20 de abril e publicado no BOE este sábado 21 de abril

As organizacións sindicais do ensino público, reunidas esta mañá para valorar o Real Decreto-Lei 14/2012, adoptaron os seguintes acordos: Denunciar publicamente que as medidas recollidas no RD Lei 14/2012 de 20 de abril de medidas urxentes de racionalización do gasto público no ámbito educativo supoñen unha grave invasión das competencias que lle corresponden á Consellaría de Educación. Por este motivo, acordamos esixir do Conselleiro de Educación que recorra ante os tribunais o RD Lei.

Na reunión da Mesa Sectorial do Estado á que foron convocados os sindicatos hoxe martes 24 en Madrid, o Secretario Nacional da CIG-Ensino, Anxo Louzao trasladoulle ao Ministro de Educación a preocupación pola publicación do Real Decreto-lei de medidas urxentes de racionalización do gasto público no ámbito educativo, esixiulle a súa retirada e o cese nos recortes do ensino público e na invasión permanente de competencias.

A publicación do Real Decreto-lei de medidas urxentes de racionalización do gasto público no ámbito educativo este sábado 21 de abril confirma para CIG-Ensino que estamos ante unha medida do Goberno central que supón de facto a desaparición das competencias educativas da Xunta de Galiza. En palabras de Anxo Louzao, o seu Secretario Nacional “é un verdadeiro golpe de estado que fai inservible a Consellería de Educación”. Na reunión á que foron convocados os sindicatos co Ministro de Educación mañá martes 24 en Madrid, a CIG-Ensino esixiralle a súa retirada e que cese nos recortes do ensino público e na invasión permanente de competencias.

Unha vez aprobadas no Consello de Ministros que se celebrou hoxe as medidas de recorte para o ensino público deseñadas polo Goberno central, a CIG-Ensino empraza ao conselleiro de Educación, Jesús Vázquez a que actúe con transparencia e se comprometa publicamente a non pór en marcha actuacións que supoñan un deterioro do servizo público e unha maior perda de postos de traballo. A CIG-Ensino dirixiuse tamén á comunidade educativa co obxectivo de confluír nunha resposta unitaria e impedir que se leven a cabo os recortes.

A Xunta presentou hoxe, 20 de abril, na Mesa de negociación os criterios de reparto do Fondo de Acción Social 2011, unha proposta que supón un recorte de 7.136.392€ sobre o documento negociado e pactado entre os sindicatos con representación na Mesa Xeral e a propia Xunta en decembro de 2011. A CIG rexeitou rotundamente a proposta da Xunta e esixiu a retirada da Lei 1/2012 de recortes nos dereitos do persoal da administración autonómica. Todas as organizacións sindicais con representación nesta Mesa negáronse a entrar a negociar a proposta da administración e abandonaron a Mesa

No seu día, a CIG-Ensino denunciou que a convocatoria de axudas aos equipos de normalización Lingüística para este ano 2012 sufría unha redución orzamentaria do 69% respecto da convocatoria dos cursos 2009-2010 e 2010-2011 e do 75% respecto do curso 2008-2009.

A CIG-Ensino esixiulle esta mañá ao conselleiro do Educación en rolda de prensa que non traslade a Galiza os recortes propostos polo Ministerio de Educación. O seu secretario nacional, Anxo Louzao, lembrou que o ensino galego xa leva dous anos de recortes e de restricións e que as medidas anunciadas atentan contra a calidade do ensino, incrementan o fracaso escolar e supoñen un ataque mortal a un servizo público esencial “piar básico para a cohesión social”.

Ante as medidas anunciadas polo ministro de Educación aos conselleiros das Administracións educativas dos distintos territorios do Estado, e mentres realizamos unha valoración máis detallada que ofreceremos mañá en roda de prensa, a CIG-Ensino adianta que non consentirá que se apliquen en Galiza.

Representantes da CIG e dos Comités de Empresa do Consorcio Galego de Igualdade e Benestar (galescolas e centros de día) concentráronse esta mañá durante a inauguración da escola infantil “A Braña” en Carballo para denunciar a privatización das galescolas e o progresivo deterioro das condicións laborais dos traballadores e traballadoras do Consorcio. Neste acto, o secretario xeral da CIG-Ensino, Anxo Louzao entregoulle á conselleira de Traballo e Benestar, Beatriz Mato, un escrito no que solicita unha entrevista na que se aclare o futuro destes centros e na que se aborde a situación laboral do persoal do Consorcio.

Malia afi rmar que se lles aplicará o V Convenio Laboral do persoal laboral da Xunta de Galiza a todas as traballadoras e traballadores do Consorcio, fi xas/os ou non, non está disposto a concretar nin cando nin como. Trátase, exclusivamente, dunha declaración de intencións, xa que nin sequera negocia coa Xunta para conseguir uns orzamentos que teñan en previsión a aplicación do dito convenio.
Nota: Este documento está en formato pdf. Para podelo visualizar precisas o lector Acrobat instalado no teu ordenador

Pais e nais da comarca do Bierzo veñen denunciando desde o curso pasado presións para que os seus fillos e fillas non pidan a materia de lingua galega nos centros de Secundaria. Hoxe mesmo, os medios de comunicación recollen que a lingua galega vai ser retirada da oferta educativa do CEIP Jesús Maestro de Ponferrada. Este feito supoñería o incumprimento do Protocolo xeral de colaboración entre a Xunta de Galiza e a Comunidade de Castela e León para a promoción da lingua galega nos territorios limítrofes das comunidades autónomas (Bierzo e Sanabria) asinado en 2006 e do Estatuto de Autonomía de Castilla y León que establece que “gozará de respeto y protección la lengua gallega en los lugares en que habitualmente se utilice”.

Coincidindo co día no que se referendará no Congreso dos Deputados a reforma laboral, a CIG convoca concentracións en todas as cidades galegas para exixir a súa retirada. A central sindical denuncia que se trata dunha reforma pensada para facilitar o despedimento e favorecer a competitividade, pola vía de reducir salarios e rebaixar as condicións laborais substituíndo emprego fixo por precario e considera que só coa mobilización se poden frear as políticas de recortes de dereitos laborais e sociais que está a impor o Partido Popular.