Terán o requisito de formación pedagóxica e didáctica ao que se refire o proxecto de orde quen acredite que, con anterioridade a setembro de 2014, impartiu docencia dous cursos académicos completos
22/05/2013
O Consello Escolar do Estado vén de ditaminar un proxecto de orde que, tal é como demandaba a CIG-Ensino, apraza ata setembro de 2015 a data na que se lle exixirá para impartir docencia nas ensinanzas de FP a certificación da formación pedagóxica e didáctica ao profesorado que, estando en posesión de unha titulación declarada equivalente a efectos de docencia, non poida realizar os estudos do mestrado. No caso dos títulos de ensinanzas deportivas que se establezan con posterioridade a esta orde, este requisito esixirase pasados dous anos do establecemento do titulo da modalidade ou especialidade correspondente.
A Xunta xunto con CCOO e UGT excluíron á CIG dos Consellos Sociais dos CIFP
21/05/2013
En abril de 2009 a Xunta iniciou a constitución dos Consellos Sociais dos Centros Integrados de Formación Profesional integrando unicamente aos representantes de CCOO e UGT e deixando fóra á CIG malia ser a organización sindical maioritaria no ensino. Agora o Tribunal Superior de Xustiza de Galiza vén de estimar o recurso contencioso administrativo presentado pola CIG e declara o dereito da CIG-Ensino a participar na designación dos membros da extracción sindical.
A climatoloxía invernal non impediu que a marcha fose masiva porque, como se coreou en numerosas ocasións, “aínda que se molle o galego non encolle”
20/05/2013
Miles de persoas chegadas de toda Galiza percorreron este 17 de maio as rúas de Compostela, ao berro de “Queremos Galego”, para reclamar que “non queremos ser estranxeiras na nosa Patria”, denunciar os ataques que o noso idioma sofre a cotío –por parte do PP e da dereita máis reaccionaria- e demandar o seu uso social normalizado no día a día das galegas e galegos, garantíndose, cando menos, o cumprimento da legalidade vixente.
Esixirá na Mesa Sectorial que se estabilice este colectivo, que se modifiquen os criterios de selección para que sexan públicos e obxectivos, se lle garantan todos os dereitos laborais e se modifiquen as modalidades e perfiles dos CELGA
16/05/2013
O Secretario Nacional da CIG-Ensino, Anxo Louzao, participou este xoves 16 de maio nun acto convocado polo colectivo de profesorado dos CELGA para denunciar a súa precaria situación e amosar o noso apoio ás reivindicacións deste colectivo. A situación que dispensa a Consellaría tanto ao persoal como ao propio modelo CELGA é a mostra máis evidente do desprezo absoluto do PP ao todo o que ten que ver co uso e normalización do galego.
Trataranse a orde de adxudicación de destinos provisionais, de licenzas de formación, convocatoria de prazas sometidas a convenio e o calendario escolar
15/05/2013
A Consellaría de Educación vén de convocarnos a unha reunión da Mesa Sectorial Docente non Universitaria para o próximo 23 de maio ás 11.00 horas. A orde do día inclúe a convocatoria para a adxudicación de destino provisional para o vindeiro curso, a orde do concurso para cubrir postos de persoal docente en prazas sometidas a convenio ou a programas específicos, o calendario escolar para o curso 2013/2014 e a orde de licenzas por formación para o curso 2013/2014. No interior da nova podes consultar a documentación que nos remitiu a Consellaría
Máis de 40.000 persoas participaron nas mobilizacións convocadas en todo o país pola Plataforma Galega en Defensa do Ensino Público
09/05/2013
A CIG-Ensino valora como un “rotundo éxito” o seguimento en Galiza da folga contra a LOMCE, un dos territorios do Estado onde a participación foi máis elevada. Preto do 90% do alumnado e o profesorado non estiveron hoxe nos centros educativos. “Foi un verdadeiro éxito e debera servir para que o Goberno do Estado paralice unha lei tan letal para o ensino público galego”; explicou hoxe Anxo Louzao, o Secretario Nacional da CIG-Ensino.
Mondoñedo acolleu a última carreira desta edición
16/05/2013
A edición 2013 do Correlingua -carreira pola lingua do alumnado de todos os ciclos educativos- rematou este xoves 16 de maio en Mondoñedo despois de pasar polas localidades de Ourense, Lugo, Pontevedra, Monforte, Silleda, Bueu, O Rosal, Ferrol, A Coruña, Santiago e Vigo
Educación perde o recurso que presentou contra a sentenza de xuño de 2012 do TSXG que fallou a favor da CIG-Ensino na demanda de conflito colectivo presentada por negarlle este dereito a máis de 30.000 traballadores/as do ensino
03/05/2013
O Tribunal Supremo vén de darlle a razón á CIG-Ensino e desestima, con imposición das costas, o recurso presentado pola Consellaría de Educación contra a sentenza do TSXG que a obriga a ofrecer ao persoal funcionario e laboral docente os recoñecementos médicos anuais que regula o artigo 22 da Lei de Prevención de Riscos Laborais.
DOG
Convocatorias
Cursos
Outros
Anxo Louzao valora a política educativa do PP
Manifestación nacinal pola ruptura democrática e a soberan...
Concentración diante do Parlamento contra os recortes nos o...
